麗、麗麗與 Yoyo

 昨天老公大人把中缸和大缸中的魚魚來了個大遷徙。中缸有條 金色的 gourami 成了大霸王，把其他不同顏色的 gourami 都追得半死。不單只是同類的魚，大霸王更把缸內的 platy 和 dwarf rainbow 都追到瘋了。見狀，我走過去指著大霸王訓導...牠不像 Yoyo，一點都不怕我！我拍缸牠當無事發生！！激死我！至於大缸，情況也不樂觀...   缸中那條 3-spotted gourami 追魚追得更離譜！無禮貌、又無規矩！我可以感覺到牠其實很怕我，但怕都無用！唔聽話就係唔聽話～！最可惡就是牠霸道到連缸中那兩條出名惡死的麗魚 '喵～' (Mel. Auratus 非洲鳳凰) 都怕了牠！！

既然兩個缸分別都有惡霸，不如就把牠們放在一起，一於惡霸鬥惡霸吧！嘻～ 中缸的大霸王過到大缸後立即變成鵪鶉！哈！大缸那條 gourami 因為身型最大，所以現在變得更可惡。 ...容忍有個限度，睇我幾時忍無可忍就會掟條嘢去細缸同 Yoyo 玩！！現在中缸就 keep 住那些溫文可愛、又聽教聽話的魚魚。 =)   圖：水草生長得很茂盛，變成了一個小森林。這只是魚缸的半邊。

Yoyo 追魚， fin nipping 情況嚴重。我其中一條 puffer 被牠玩到病重，現在還沒有好轉... 身體好像 '發髦' 一樣黑掹掹！... 所以我們索性把兩條 puffer 一同與 Yoyo 隔離，保住小命要緊。這是其中一條健康的，怕怕羞羞...不敢正面望我，但又想知道我喺道做咩！

  冇魚追，悶到震！！Yoyo 獨自停在 breeding net 上發呆。PS，那個圓形的黑印不是什麼不可告人的秘密，而是 breeding net 的 sucker hook。

 與其說牠 '停' 在 breeding net 上，倒不如話佢 'sip 灶 la' 比較合襯！睇下佢，篤極嘟唔走！嘻～！

 正面！哇哈哈哈～～  =D

這張照看到的是反光的魚缸玻璃。呢條魚唔蠢嘅！佢知我冇喺佢正面影相，但個相機嘅紅光又照到佢...於是眼珠一碌，喺塊反光玻璃嗰道睇住我。 咁醒目嘅魚我點捨得唔要佢？！為咗佢，我可以放棄整個森林。

又：無聊上網看...才知道某種魚的中文翻譯叫'麗魚'，也有一種在翻譯後叫'麗麗魚'！一字之差，樣子相差百倍～  =)