Yoyo, you're Doomed!!

養魚係一種樂事，尤其係養啲攪笑識比反應而你又吹佢唔脹嘅魚，例如：Yoyo Loach. 我家 Yoyo 追魚，追着我心愛而又絕版嘅 Sterbai Cory 同埋 Green Moss Barb，我點會放過佢？！要捉佢其實好難，需要鬥智！首先要好努力地趕返佢入佢嘅住所道，然後慢慢拿起佢個住所，仲要 make sure 佢中途唔會偷走滑出嚟，拿到相當嘅高度後要即刻放個'監倉'喺下面等佢滑落去！'監倉'頂部要凸出高過水面好多，如果唔係佢好容易就可以偷走嘞！

哼～ 仲捉你唔倒？！！慢慢坐監啦！！

呢條魚真係好攪笑嘅，成日嘟好似好想同你交流咁！ 有鑒於此，我就同佢'交流'吓啦～ 哈哈～

...有冇見過一條可以比人任摸嘅魚？！我屋企有條！哈哈！困住 Yoyo 後我同佢'交流'吓用隻手指摸吓佢... 我其實 expect 佢會游開反抗，點知佢無郁仲瞓喺道比我任摸，仲好 enjoy 添！！真係比佢激死！Yoyo 好滑身體冇鱗，摸佢同摸條鱔冇咩分別。

佢個'監倉'。

'監倉'頂部唔係凸出水面好多，所以佢好容易就可以逃獄...

Yoyo 喺守行為時已經逃獄過兩次，我幾經艱苦先捉返佢入去！！

孤單凋零又寂寞！

想逃獄狀，首先喺網邊試探圍牆高度。知道我唔係睇住佢時佢就游上去'啪啪啪啪'（吸水聲），跟住翻牆鼠出去！！

出咗去佢開始放肆駁晒老命追魚！！見邊條追邊條籍此發洩！我睇到扯火！前面那個 decor 就係佢屋企。

呢條絕版 Green Moss Barb 係 Yoyo 追殺嘅其中一個對像...

條魚一定覺得我好蠢，次次嘟可以比佢逃獄成功！今期我將張咭紙放喺佢個監倉上面，仲用粒石仔壓住個頂！睇佢點走！哼～

監禁24小時冇得假釋!!

偶爾佢嘟會有啲朋友嚟探監嘅～～ （下面那條係 Upside down cat)。