今天不想上傳有關食物、跑館子的帖...食到飽睇到悶～ 見昨天在副博開始了這個河豚話題，今天在這個主博繼續說～ 嘻～ 最近添了兩條小河豚，很難得才拍到牠們的照，特意把照片帖在這裏。買這種魚是因為牠們可愛，而且喜歡牠們頭頂的顏色：Lime Green 螢光綠，樣子跟顏色都像外星大怪魔！嘻～ 以前所看過的河豚頭頂上有個 '8' 字（叫八字河豚？！）；我所買的這種沒有，只有超多黑色的大細點點（中文不知叫什麼）。兩條壞蛋小惡霸，一條是我揀、另一條是我請 Big Al's 店員幫我揀的。猜猜看那條是我揀的！ =D
右邊那條小壞蛋常常對左邊那條小惡霸虎視眈眈... 肚餓嘛，把對方當成食物！！就算餵食了鮮蝦，隔了一會肚子又餓，又對小惡霸再度虎視眈眈！知道的原因是因為某天早上發現小惡霸背脊上多了一個牙印，與小壞蛋的口形剛好吻合！此外，每次去看牠們，都只見到小壞蛋不懷好意地尾隨小惡霸... 那天把魚買回來後放牠們進缸，只見小惡霸一入到水後便在水中不停地左看右看，好似隻豬仔咁轉來轉去，睇吓自己喺邊，睇吓點解自己會嚟咗呢道... 我估牠們一定是種很聰明的動物（平時啲魚一入缸後就即刻搵地方哩，一定唔會睇吓自己喺邊！）。聽說這種河豚可以生長到大約六吋長，牙齒很尖而且很惡，不小心把手指放進去分分鐘會被咬傷！！看牠們的樣子好像懵懵哋咁，如果不是做過些 research 我真的不知道呢！
圖：被看中了，小惡霸拼命地找地方躲... 這種情形我天天見。注：這個缸也同時引入了 Yoyo，下次有機會再談！=)
小惡霸應該是妳楝的，水族箱嘅 Puffer 即河豚、雞泡魚，好耐以前叫做金鼓，不過無論你點摷谷哥都唔會揾到金鼓同雞泡魚有乜相連，因為依家嘅金鼓係另一種魚。
ReplyDelete你提起呢種魚又喚起我兒時回憶、快樂時光，泡魚以前喺香港時都養過，但我唔係買嘅而係在大嶼山露營時捉番嚟養。雞泡魚咸淡水都可以生存，不過喺海中捉番嚟而放入淡水魚缸養就一定死梗，通常我哋會在咸淡水交界河的上游捕捉，咁就咸水、淡水都可以養活。
喺香港釣過海魚的人都最憎釣到雞泡魚，因為一來唔食得二來雞泡魚牙齒好似鸚鵡嘴，鋒利無比，魚絲好多時被咬斷，就算唔斷當解鈎時都驚俾佢咬一啖，所以通常都會將它撻得半死才解鈎，或者剪絲棄鈎不要。
雞泡魚食肉，牙又鋒利，所以唔可以同其它魚共養，我有啲擔心妳的愛魚 Yoyo 嘅命運！雞泡魚可餵以碎肉，例如切碎嘅蝦、牛肉或者釣魚用的蚯蚓。
剛剛幫妳揾到一些資料，大致和我所知差不多。
Delete祝 Yoyo 好運！:(
http://zhidao.baidu.com/question/35068200.html
對，小惡霸是我揀的。揀河豚時我只顧著看牠頭上的綠光，以及牠身上有沒有牙印，完全忽略了看他身上的點點以及其他的東西。直到兩條魚帶了回家放到缸裏後我才發覺店員為我揀的那條有大細點點，我揀的那條只有大點點！這便是 pro 與唔 pro 的分別了～
Delete謝謝你的資料,已看。Yoyo，我都不知道怎麼辨好了。牠再不能返回大缸了，中缸牠不能去，只有留在細缸。但細缸有又兩隻百厭星...我不想 put him up for adoption! =(
都唔關 pro 唔 pro 問題嘅，有時 pro 嗰個若果係老細而妳又唔識貨的話佢肯定唔會俾靚魚妳。妳買咁多魚都知啦，我哋大多留意邊條夠大、夠生猛、夠色、有無損傷，長尾嘅尤其是金魚，要留意啲尾有無生得畸形屈曲，不過有時有啲細節好難無留意，尤其事我哋男仕，見佢哋咁忙都唔好意思左揀右揀，但買得唔啱番到去又揼心。嘻。:)
DeleteYoyo 俾伯母大人養啦，咁咪時時都可以見到佢囉。。。收工！
母親大人若果接收 Yoyo，只會用個兜裝住佢，唔係用個缸！！冇氣泵、冇濾水器、個兜又細嗰吓先唔放心... 依家氹緊母親大人添缸～
DeleteMom: 母親節我送個魚缸給你吧！ =D
By the way，你點知小惡霸是我揀的？
點知？咪啱啱喺上邊講咗囉！不過我通常估嘢都有啲理據唔係憑空亂估嘅，雖然有時都會估錯。另一個原因就係今次估心理，雖然兩條魚都係屬於妳嘅，但係信不信由妳，妳揀嗰條喺妳心目中不自覺比重會多啲，就好似親生仔同執番嚟比一樣，同埋見妳親生仔俾人咬一啖妳個肉痛樣就估都估到九成啦！=D
Delete母親節就到快啲送番個魚缸俾伯母大人啦。是否這原因上次两條Yoyo 咁快歸天？:(
可能係卦？！又可能係啲水質？！ 嗰個兜冇 hiding place，可能嗰兩條 Yoyo stress 卦？佢地唔肯食嘢... 呢種魚應該好粗生？！ 歸天原因不明...依你所見呢？
Delete